今日係我離開以來第一次去探親生媽媽~而我媽媽亦已搬左去新屋企, 所以呢度共並唔係我出世既地方, 等我週圍去八下先~
點解咁耐都冇貓出黎歡迎我既? 唔通佢地怕羞?
原來佢地匿埋晒入書房~
呢個就係我媽媽啦~我冇遺傳到佢短身肥腩既身型, 但某d表情我同佢係好似樣架~
唔好以為下面係我黎, 佢其實係我細佬, 亦可能係我阿哥, 因為我地2個最遲出世而毛色又差唔多~所以佢地都分唔到邊隻打邊隻, 不過佢地話我細個肥d, 所以我就係咁做大左姐姐啦~佢好大隻仔架~我覺得佢比我更似blog友小肥貓呀~^^
再黎就係我家姐~佢雖然貓仔細細, 又怕事但又幾惡喎, 所以我都係鬼鬼祟祟偷望下就萛~
佢有幾惡? 你睇下同佢一齊長大既細佬仔都比佢fee就知:p
點解fee佢, 又可能係我問題~我諗住帶我張神奇貓墊同佢地一齊玩, 佢地個個都好鍾意喎~重個個都lum下張野添, 不過我都唔介意既~sharing ma~ 點知家姐診我地入晒房佢就偷偷地出黎玩張墊, 細佬仔發現左可能又想一齊玩啦, 點知就比姐姐鬧~
唔知係咪太耐冇見, 佢地都唔認得我啦, 我咁nice去同佢地打招孚呼, 佢地隻隻都fee我~
我行近d媽媽, 佢重出手打我~雖然佢係教女, 但我都驚驚, 要搵地方匿~
大合照就冇望~睇住我地呢張一家六口既相先la, 我重冇2個哥哥架, 不過佢地都去左第二個家庭lu, 大家估唔估到邊個係我呢?
可能耐冇見, 生保左, 我都係唔阻佢地返屋企做番我既大小姐lu~有熊媽熊豆鍚.....
又有雞粒食, 當堂唔記得晒頭先發生也乜野事了~
好好味~比你地見到我個為食樣添~
唔知係咪有媽媽佢地啲口水味係張墊度, 呢個我平時係唔會lum呢張神奇貓墊, 今晚突然又想lum下~唔通我掛住佢地??
貓貓耐d冇見, 邊個都唔認得
回覆刪除係~真係阿媽都唔認得~哈
刪除係左邊數起第三隻嗎﹖
回覆刪除HEHE~係右邊第一隻~
刪除熊妹咁慘俾親生媽媽打...不過唔緊要,有媽咪鍚晒
回覆刪除係啦~打到毛都甩=.="
刪除所以返到去屋企即刻請佢食雞粒~
陰公,親生都唔認得>.<
回覆刪除見到都好傷感~不過貓地就係咁~真係要聞陣除~
刪除咁耐點會認得浸除吖, 我朋友兩隻貓呀, 沖完涼之後都會互Fee架, 因為浸除唔同咗吖嘛....吹脹....
回覆刪除咁搞笑? 都唔知對眼見到d乜~哈
刪除真係有趣! 幾乎隻隻都唔同樣!
回覆刪除貓貓係咁架啦, 莫講話親生, 就算一齊住, 一隻出過街, 返到屋企都俾其他貓fee!
係啦!所以都唔勉強佢
刪除新一年要健健康康多姿多彩啊!!!
回覆刪除多謝吉孖媽!大家都係要人貓健康快樂!^^
刪除好有趣呢~~熊妳好乖好有禮,抵熊媽錫到燶<3
刪除果隻貓貓又真係同小肥貓好相似喎!
回覆刪除