返娘家 (2013年11月17日)

今日係我離開以來第一次去探親生媽媽~而我媽媽亦已搬左去新屋企, 所以呢度共並唔係我出世既地方, 等我週圍去八下先~

點解咁耐都冇貓出黎歡迎我既? 唔通佢地怕羞?

原來佢地匿埋晒入書房~


呢個就係我媽媽啦~我冇遺傳到佢短身肥腩既身型, 但某d表情我同佢係好似樣架~

唔好以為下面係我黎, 佢其實係我細佬, 亦可能係我阿哥, 因為我地2個最遲出世而毛色又差唔多~所以佢地都分唔到邊隻打邊隻, 不過佢地話我細個肥d, 所以我就係咁做大左姐姐啦~佢好大隻仔架~我覺得佢比我更似blog友小肥貓呀~^^

再黎就係我家姐~佢雖然貓仔細細, 又怕事但又幾惡喎, 所以我都係鬼鬼祟祟偷望下就萛~

佢有幾惡? 你睇下同佢一齊長大既細佬仔都比佢fee就知:p

點解fee佢, 又可能係我問題~我諗住帶我張神奇貓墊同佢地一齊玩, 佢地個個都好鍾意喎~重個個都lum下張野添, 不過我都唔介意既~sharing ma~ 點知家姐診我地入晒房佢就偷偷地出黎玩張墊, 細佬仔發現左可能又想一齊玩啦, 點知就比姐姐鬧~

好難得先有張家庭照, 我都只係影到條尾巴仔咋~

唔知係咪太耐冇見, 佢地都唔認得我啦, 我咁nice去同佢地打招孚呼, 佢地隻隻都fee我~

我行近d媽媽, 佢重出手打我~雖然佢係教女, 但我都驚驚, 要搵地方匿~

大合照就冇望~睇住我地呢張一家六口既相先la, 我重冇2個哥哥架, 不過佢地都去左第二個家庭lu, 大家估唔估到邊個係我呢?


可能耐冇見, 生保左, 我都係唔阻佢地返屋企做番我既大小姐lu~有熊媽熊豆鍚.....

又有雞粒食, 當堂唔記得晒頭先發生也乜野事了~

好好味~比你地見到我個為食樣添~

唔知係咪有媽媽佢地啲口水味係張墊度, 呢個我平時係唔會lum呢張神奇貓墊, 今晚突然又想lum下~唔通我掛住佢地??